அதிகாலை சுகவேளை - (நட்பு)

படம்: நட்பு
இசை: இளையராஜா

*********************************

பெண்: அதிகாலை சுகவேளை
உன் ஓலை வந்தது
அதிகாலை சுகவேளை
உன் ஓலை வந்தது

ஆண்: காதல் சொன்ன காகிதம்
பூவாய்ப் போனது
வானில் போன தேவதை
வாழ்த்துச் சொன்னது

பெண்: ஒரு தத்தை கடிதத்தைத்
தன் நெஞ்சுக்குள்ளே வாசிக்க
அதிகாலை சுகவேளை
உன் ஓலை வந்தது

ஆண்: அதிகாலை சுகவேளை
உன் ஓலை வந்தது

*********************************

ஆண்: அன்பே வா வா அணைக்கவா
நீ நிலவுக்குப் பிறந்தவளா

பெண்: போதை வண்டே பொறுத்திரு
இன்று மலருக்குத் திறப்பு விழா

ஆண்: உன்னை வந்து பாராமல்
தூக்கம் தொல்லையே

பெண்: உன்னை வந்து பார்த்தாலும்
தூக்கம் இல்லையே

ஆண்: ஒரு பாரம் உடை மீறும்
நிறம் மாறும் தனியே

பெண்: இதழோரம் அமுதூறும்
பரிமாறும் இனியே

ஆண்: அடி தப்பிப்போகக் கூடாதே
அதிகாலை சுகவேளை
உன் ஓலை வந்தது

பெண்: அதிகாலை சுகவேளை
உன் ஓலை வந்தது

*********************************

பெண்: தென்றல் வந்து தீண்டினால்
இந்ததளிர் என்ன தடை சொல்லுமா

ஆண்: பெண்மை பாரம் தாங்குமா
அந்த இடை ஒரு விடை சொல்லுமா

பெண்: என்னைச் சேர்ந்த உன்னுள்ளம்
ஈரம் மாறுமா

ஆண்: தங்கம் என்ன சுட்டாலும்
சாரம் போகுமா

பெண்: இளங்கோதை ஒரு பேதை
இவள் பாதை உனது

ஆண்: மலர்மாலை அணியாமல்
உறங்காது மனது

பெண்: இது போதும் சொர்க்கம் வேறேது
அதிகாலை சுகவேளை
உன் ஓலை வந்தது

ஆண்: அதிகாலை சுகவேளை
உன் ஓலை வந்தது

பெண்: காதல் சொன்ன காகிதம்
பூவாய்ப் போனது
வானில் போன தேவதை
வாழ்த்துச் சொன்னது

ஆண்: ஒரு தத்தை கடிதத்தைத்
தன் நெஞ்சுக்குள்ளே வாசிக்க
அதிகாலை சுகவேளை
உன் ஓலை வந்தது

இருவரும்: அதிகாலை சுகவேளை
உன் ஓலை வந்தது

*********************************